Benzidin və mono-xlorsirkə turşusunun 1:4 mol nisbətində kondensasiyasından N,N,N′N′-tetraaseto-benzidin (TAB) və onun ikinüvəli CuII kompleksi sintez edilmişdir. Sintez edilmiş birləşmələrin quruluş və xassələri element analizi, İQ- və elektron spektroskopiyası, EPR və teroqravimetrik analiz metodları vasitəsi ilə öyrənilmişdir. Sintez edilmiş birləşmələrin səth morfologiyası NeoScope Jeol JCM-5000 skanedici elektron mikroskopu ilə tədqiq edilmişdir. N,N,N′N′-tetraaseto-benzidinin ikinüvəli CuII kompleksinin maqnit momenti µeff = 2,46 B.M.-dir. İkinüvəli mis kompleksində Cu2+ ionları arasında elektron mübadilə qarşılıqlı təsiri çox kiçikdir. N,N,N′N′-tetraaseto-benzidinin CuII kompleksinin elektron spektrində 230, 290 və 405 nm dalğa uzunluğundakı pikləri metal ionlarının elektron keçidlərinə aid etmək olar. Termoqravimetrik analizin nəticələri göstərdi ki, N,N,N′N′-tetraaseto-benzidinin CuII kompleksi 600°C-dən yuxarı temperatura qədər davamlıdır.
doi.org/10.32737/0005-2531-2024-3-69-75
.png)