Məqalədə tərkibində aromatik karbohidrogenlərin və kükürdlü birləşmələrin miqdarı ilə fərqlənən dizel distillatının səmərəli seçici həll edici kimi ekoloji zərərsiz ion mayelərindən  istifadə etməklə maye- maye ekstraksiya üsulu ilə təmizlənməsi sahəsində aparılmış elmi tədqiqatların nəticəsi əks olunmuşdur. Ekstragent kimi istifadə edilmiş ion mayelərinin dipropilammonium, dibutilammonium və N-metilpirrolidonium asetat və morfolinium formiatın dizel distillatının tərkibindən kənarlaşdırılan komponentlərə qarşı müxtəlif ekstraksiya effektinə malik olduqları müəyyən edilmişdir. Ekstraksiya prosesinin mərhələlər üzrə həyata keçirilməsinin dizel distillatının aromatiksizləşmə və kükürdsüzləşmə dərəcəsinə təsiri müəyyən edilmişdir. Göstərilmişdir ki, dizel distillatının ion-maye ekstraksiya prosesini üç mərhələdə həyata keçirtdikdə rafinatın nisbətən yüksək çıxımı və təmizlənmə dərəcəsi əldə edilir.

doi.org/10.32737/0005-2531-2024-3-20-28