Məqalədə kaolin gilinin müxtəlif qatılıqlı sulfat turşusu ilə emalının nəticələri təqdim olunur. İlkin mərhələdə gilin tərkibindəki dəmirin çıxarılmasına imkan verən optimal şərait tapılmışdır. Fe, Al və Si-un çıxım dərəcəsi həllolmadan alınan qalığın rentgenfaza analizi (RFA), IQ spektroskopiya, differensial termiki və SEM/EDS analizlərinin öyrənilməsi ilə aparılmışdır. Nəticələr göstərir ki, gili 5%-li sulfat turşusu məhlulu ilə avtoklavda 125-130ºC temperaturda, 4-5 atm təzyiqdə, 0.5-1 saat və ya adi şəraitdə 85-90º C temperaturda 5 saat ərzində emal etdikdə dəmiri 96-99%-ə qədər təmizləmək olur. Dəmirdən ayrılmış kaolin gili 95%-li sulfat turşusu ilə qarışdırılır, 2 gün ərzində 250ºC temperaturda termiki emala uğradılır, alınan sulfatlanmış kütlə B:M=1:5 nisbətində 80-90ºC temperaturda suda həll edilir. Alınan qarışıq süzülür və sulfatlı məhlul sıxlığı 1.4-1.5 q/sm³ çatana qədər buxarlandırılır. Bu zaman kristallizatorda Al₂(SO₄)₃∙nH₂O tərkibli saf duz kristalları çökür.

doi.org/10.32737/0005-2531-2025-1-139-147