NO Dust (NDB) toz qarışıqlarının qəbulunun artma səbəbləri, onların istifadəsi ilə bağlı orijinal elmi, texniki və kommersiya məlumatları, həmçinin əvvəlki inkişaf mərhələlərində həyata keçirilmiş əməliyyatları araşdırılmışdır.  Bu yanaşmalardan bir çoxu fərqlidir, bəzilərini kəmiyyət baxımından qiymətləndirmək çətinlik yaradır, lakin ümumilikdə, onların hamısı bu məqalədə müzakirədən keçirilmişdir. Seçilmiş qatqı maddələr kombinasiyaları - fenol antioksidantları, metal deaktivatorları və fosfit maddələri əhatə olunmuşdur ki, onlar NDB ilə birlikdə tətbiq olunduqda əlavələrinin effektivliyini optimallaşdırmaq və artırmaq məqsədinə qulluq etmişdirlər. Differensial skan kalorimetrik (DSK) və uzunmüddətli istilik yaşlanması (UİY) metodları vasitəsilə aşkar edilmişdir ki, əvvəlcədən dispersiya edilmiş əlavələrin evtektik ərintiləri stabilizasiya effektivliyinin artırılmasına və polimer materialların emalının texnoloji cəhətdən asanlaşmasına səbəb ola bilər. Qatqıların tərkibində tozlar və ya hətta qranullar əvəzinə NDB tozsuz qarışığının istifadəsi nəticəsində məhsuldarlığın əhəmiyyətli dərəcədə artırdığını və əldə olunan məhsulun təmizlənməsi üçün texnoloji əməliyyatların sayını azaldığı müəyyən edilmişdir. Bu məqalənin məqsədi NDB texnologiyasının qısa icmalını vermək və ayrı-ayrı elmi, texniki və praktiki üstünlüklərini vurğulamaqdır. Nəticədə, mühəndislər və emalçılar, xüsusilə də yüksək tonnajlı polimer istehsalatlarında məşğul olan mütəxəssislər üçün faydalı məlumatlar təqdim edilmişdir.

 doi.org/10.32737/0005-2531-2025-1-25-39