Elektrokimyəvi üsulla hazırlanmış Sb₂Se₃ nazik təbəqələrinin elektrokatalitik xüsusiyyətləri suyun elektrolizi ilə hidrogenin ayrılması prosesi üçün tədqiq edilmişdir. Suyun elektrolizi prosesində katalitik aktivliklərinin təyini üçün susuz elektrolitdən alınmış, termiki emal olunmuş Sb₂Se₃ nümunələri Ni elektrodu səthində tədqiq edilmişdir. Hesablamalara görə, Sb₂Se₃ Pt və Ni elektrodları ilə müqayisədə ən aşağı Tafel meylliliyi nümayiş etdirir. Fotoelektrokimyəvi tədqiqatlara görə, bu nümunələr işığa həssasdır və sudan hidrogenin ayrılması reaksiyasında fotokatod kimi istifadə edilə bilər. C^-2-E qrafikinin potensial oxuna ekstrapolyasiyası -1,45 V-a (Ag/AgCl ilə müqayisədə) bərabər müstəvi zolaq potensialını V_fb verir. Bu qiymət elektroçökdürülmüş p-tip yarımkeçirici olan Sb₂Se₃ nazik təbəqələrinin verilmiş şərtlər daxilində sudan hidrogeni ayırmaq üçün termodinamik qabiliyyətini dəqiq şəkildə əks etdirir

doi.org/10.32737/0005-2531-2025-2-79-87