Bu tədqiqat Abşeron yarımadasının çirklənmiş ərazilərindən götürülmüş neft şlamı nümunələrinin fiziki-kimyəvi xüsusiyyətlərinin analizi, tədqiqi və öyrənilməsi nəticələrini təqdim edir. Müəyyən edilmişdir ki, Bibiheybət və Balaxanı yataqlarından götürülmüş neft şlamı nümunələrində ağır metalların — xüsusilə qurğuşun (Pb), kadmium (Cd), vanadium (V) və nikel (Ni) — konsentrasiyaları mövcud beynəlxalq və yerli ekoloji təhlükəsizlik standartlarını əhəmiyyətli dərəcədə aşır.Ətraflı analiz məqsədilə FTIR və İQ (infraqırmızı) spektroskopiya üsullarından istifad ə edilmişdir. İQ spektrlər Agilent MicroLab FTIR proqram təminatı vasitəsilə analiz olunmuşdur. Aparılan analiz zamanı alifatik karbohidrogenlər (C–H valent titrəyişləri), aromatik karbohidrogenlər (C=C valent titrəyişləri), karbonil qrupları (C=O valent titrəyişləri), hidroksil qrupları (-OH valent titrəyişləri) və karboksil turşuları (–COOH titrəyişləri) kimi əsas funksional qruplar müəyyən edilmişdir.Beləliklə, neft şlamının element və molekulyar analizində ICP-OES və FTIR spektroskopiya metodlarının tətbiqi nəticəsində əldə edilən detallı məlumatlar Abşeron yarımadasında ekoloji idarəetmə, çirklənmənin azaldılması və effektiv təmizləmə tədbirləri üçün fundamental elmi və texniki əsas təşkil edir.