Sərhəd kvazibinar sistemlərin faza diaqramları Bi2S3‒Bi2Se3‒BiI3 (A) qatılıq üçbucağı daxilində seçmə tərkiblər üçün məhdud sayda DTA məlumatları və (A) sisteminin bərkfaza tarazlıqları diaqramı əsasında sərhəd sistemlərdə fazaların likvidus əyriləri üçün, həmçinin (A) sistemində Bi2S3, Bi2Se3 birləşmələri əsasında bərk məhlulların və BiS1-xSexI və Bi19S27(1-x)Se27xI3 aralıq fazalarının likvidus səthləri üçün analitik tənliklər alınmışdır. Alınmış tənliklər əsasında (A) sisteminin likvidus səthinin 3D vizuallaşması həyata keçirilmiş, sistemdə mövcud olan non- və monovariant tarazlıqların tipləri və koordinatları müəyyən edilmişdir. Likvidus səthinin 3D modeli əsasında T-x-y faza diaqramının bəzi politermik kəsikləri qurulmuş və məhdud sayda nümunlərin DTA nəticələri ilə təsdiq edilmişdir. Təqdim edilən nəticələr tənzimlənən tərkib və xassələrə malik BiS1-xSxI və Bi19S27(1-x)Se27xI3 bərk məhlullarının sintezi və krsitallarının yetişdirilməsində istifadə oluna bilər.