Civə və mis ilə modifikasiya olunmuş kömür pastası elektrodu Hg/Cu/KPE istifadə etməklə Se(IV)-ün mikromiqdarlarının təyini üçün voltamperometrik metod işlənilmişdir. Modifikasiya olunmuş elektrod səthinin formalaşması və seleniumun elektrokimyəvi təyini şəraitləri tədqiq edilmişdir. Müəyyən edilmişdir ki, mis amalqamasının optimal formalaşması 0.34 V potensialda, optimal toplanma müddəti isə 10 saniyə təşkil edir. Fon elektroliti kimi 0.05 M qarışqa turşusu məhlulu seçilmişdir. Hg/Cu/KPE səthində Se(IV) elektrod prosesinin mexanizmi öyrənilmiş və əsas elektrokimyəvi xarakteristikaları müəyyən edilmişdir. Təklif olunan elektrod analitik siqnal ilə seleniumun qatılığı arasında 0.05–30.0 mq/ml diapazonunda xətti asılılıq təmin edir (korrelyasiya əmsalı 0.996 . Se IV üçün təyinat həddi 0.05 mq/ml təşkil etmişdir. Birlikdə müşayiət edən ionların seleniumun təyininə təsiri də tədqiq olunmuşdur. Nəticələr göstərmişdir ki, təklif olunan metod sink birləşmələri və digər müşayiətedici elementlər olan mürəkkəb çoxkomponentli sistemlərdə Se(IV)-ün təyini üçün istifadə edilə bilər.