Funksionaləvəzli S₆–S₇ tsikloolefinlərin [MX_k–HA(HX)]–H₂O₂(NaOCl) sistemində  induktiv hipohalogenləşməsi aparılmış və reaksiya məhsullarının yüksək çıxımının optimal şəraiti tapılmışdır. Nisbətən yumşaq şəraitdə hipohalogenid turşularının (HOCl və HOBr) tsiklin ikiqat rabitəsinə induktiv olaraq elektrofil birləşməsinin baş verdiyi və bu zaman yan zəncirin ikiqat rabitəsinin toxunulmaz qaldığı göstərilmişdir. Xlorhidrinlərin alınma reaksiyası bromhidrinlərin əmələ gəlməsindən daha böyük sürətlə baş verir. Müəyyən edilmişdir ki, reaksiya hipohalogenid turşularının müvafiq məhlulları ilə  də analoji qaydada baş verir. Alınmış birləşmələr yüksək reaksiya qabiliyyətlidir və alitsiklik karbohidrogenlərdən doymamış epoksidlərin, aminospirtlərin alınmasında istifadə edilə bilər