Karbohidrogenlərin emalı problemini həll etmək üçün qurğunun tərtibi zamanı vacib olan optimal şəraitin seçilməsi məsələsinə baxılıb. Misal olaraq, oksidləşdirici dehidrogen­ləşməsi zamanı izopentanın izoprenə və n-butanın butadienə çevrilməsi proseslərinə baxılıb. Nəzəri optimal temperatur profilinin müəyyən edilməsi məsələsi həll edilmişdir. Məqsədli məhsulun maksimal çıxımını nəzərə alan maksimum prinsipi tətbiq edilmişdir. Eks­peri­mental məlumatlardan istifadə edərək, proseslərin kinetikasının riyazi modelləri qurulmuşdur. Prosesin nəzəri optimal temperatur profilini müəyyən etməyə imkan verən şərait seçilmiş və məhsulun maksimal çıxımının təyini üçün şərtlər göstərilmişdir.