Dəmirin hidrofob amin – anilin və N,N-dimetilanilin iştirak etdikdə 2-hidroksi-5-halogentiofenollarla qarşılıqlı təsiri tədqiq edilmişdir. Halogentiofenollardan 2-hidroksi-5-xlortiofenol və 2-hidroksi-5-brom­tiofenol istifadə edilmişdir. Kompleksəmələgəlmənin və ekstraksiyanın optimal şəraiti tapılmışdır. pH 3.8–6.2-də maksimum ekstraksiya baş verir. Kompleksin tərkibində komponentlərin molyar nisbəti Fe:HTF:Am=1:2:2 kimidir. Nazarenko metodu ilə  kompleksəmələgətirici ionun Fe(OH)²⁺ olduğu müəy­yən edilmişdir. Hesablamalar göstərmişdir ki, müxtəlifliqandlı kompleks üzvi fazada polimerləşməyib, mo­nomer halındadır (g=1.03–1.07). Reaksiyanın seçiciliyi qiymət­ləndi­ril­mişdir. Komplekslərin yükü U-şəkilli boruda elektromiqrasiya və ЭДП-10П anionitində ion mübadiləsi təcrübələri ilə müəyyən edil­mişdir.