Tədqiqat işində tərkibində təyin etdiyimiz polixlobifenillərin (PXB) ümumi miqdarı 165.4 q/kq olan "Sovtol" markalı transformator yağının radiolizi zamanı PXB-lərin çevrilmə və radiolizin qaz məhsullarının (H₂, CO, CO₂, CH₄, C₂H₆, C₂H₄, ∑C₃, ∑C₄, ∑C₅, ∑C₆) əmələgəlmə ki­ne­tikası öyrənilmişdir. Müəyyən edilmişdir ki, 5 Mrad şüalanma dozasına qədər PXB-lərin miq­darı artır, şüalanmanın sonrakı dozalarında isə azalma müşahidə olunur. 50 Mrad dozaya qədər PXB-lərin kütləcə 55% çevrilməyə məruz qalır. Radiolizin əsas qaz məhsulu karbon qazı (0.03 molekul 10^-2 eV), hidrogen (0.012 molekul 10^-2 eV) və dəm qazıdır (0.007 molekul 10^-2 eV).