Butadien-nitril (BNK-26) və karboksilləşdirilmiş butadien-nitril (BNK-40/4) elastomerinin epoksid oliqomeri ED-16 və polivinilxloridlə modifikasiyası nəticəsində metalları korroziyadan qoruyucu örtük kompozisiyaları alınmış, kompozisiyaların fiziki-mexaniki və qoruyuculuq xassələri öyrə­nil­mişdir. Kompozisiyaların optimal tərkibləri müəyyənləşdirilmiş, onların aktiv korroziya mühitli neft-qaz quyu məhsullarında polad-3 nümunələrinin korroziyadan qorunması öyrənilmişdir. Göstə­ril­miş­dir ki, hər iki elastomer əsasında kompozisiyalar korroziyadan  yüksək qoruyuculuq effektinə malik­dirlər, ancaq BNK-40/4 elastomeri əsasında kompozisiyaların qoruyuculuq effekti daha yüksəkdir.