Müvafiq metalların malon turşusunun dihidrazidlərinin bircins qarışıqlarının aşağı temperaturlu yanması üsulu ilə Pr_xMg_1-xAl₂O₄ (х = 0.05 və 0.10) tərkiblərin nanoölçülü kristalları sintez edilmişdir. Metalkomplekslərin üzvi hissələrinin 250–300⁰С temperatur intervalında yandığı və nəticədə amorf quruluşlu prazeodiumla legirlənmiş bircins materialların alındığı müəyyən edilmişdir. Rentgenfaza analizinin köməyi ilə MgAl₂O₄, Pr_0.05Mg_0.95Al₂O₄ və Pr_0.1Mg_0.9Al₂O₄  tərkiblərində şpinel quruluşunun tam formalaşdığı və bu zaman nanohissəciklərin ölçülərinin müvafiq olaraq  12.5, 12.9 və 14 nm olduğu təyin edilmişdir.