Naftalan neftinin tərkibində olan bütün yüngül aromatik karbohidrogenlər tədqiq olunmuşdur. Tədqiqatlar nəticəsində aromatik, naften və aromatonaften halqalarının sayı müəyyən edilmişdir. Halqada və yan zəncirdə olan karbon atomlarının faizlə miqdarı tapılmışdır.  Yüngül aromatik karbohidrogenlərin vakuum və termodiffuziya fraksiyalarının tədqiqi zamanı alkilbenzolun, indanın, tetralinin və benzoldinaftenin miqdarı təyin olunmuşdur.