Məqalədə nümunələrin İYT-diapazonlu elektromaqnit sahəsində termiki işlənilməsi şəraitində ksilolların maye-fazalı oksidləşməsinin Co-Mn/Al₂O₃/Al-karkaslı  katalizatorlarının  aktiv  səthinin  formalaşma imkanının tədqiqat nəticələri göstərilmişdir. Müəyyən edilmişdir ki, aktiv metalların oksidlərinin formalaşma mərhələsində İYT-şü­a­lanma enerjisinin udulması və onun istiliyə transformasiyası kobalt və manqan nitratlarının qarışığı ilə hop­durulmuş  γ-Al₂O₃/Al  nümunələri olan halda  onların fərdi duzları ilə işlənilmiş nümunələrə nəzərən daha intensiv  olur. Bu za­man  manqan kobaltit fazasının yaranması hesabına nümunələrin temperaturunun  400-dən 723 K-ə qədər  öz-özü­nə artması baş verir.  Alınmış nəticələr  belə düşünməyə əsas verir ki, İYT-sahəsində termiki işlənilmədən is­ti­fadə et­məklə ksilollarının maye-fazalı oksidləşməsinin seçilmiş component tərkibli Co-Mn/Al₂O₃/Al-katali­zator­larının aktiv  səthinin  formalaşma prosesi praktiki realizasiya üçün tamamilə yararlıdır, sintez müddətinə qənaət edil­məsi nöqteyi-nəzərindən isə istilik təsirinin ənənəvi proseslərindən əlverişli şəkildə fərqlənir