Çoxfunksiyalı genetik alqoritmdən istifadə etməklə Tl₉TbTe₆–Tl₈Pb₂Te₆–Tl₉BiTe₆ sisteminin  faza diaqramının tarazlıqda olan fazaların tərkiblərinin temperatur asılılıqları şəklində analitik 3D-modelləri alınmışdır. Göstərilmişdir ki, sistem Tl₅Te₃ tipli tetraqonal quruluşlu fasiləsiz bərk  məhlulların (δ-faza) əmələ gəlməsi ilə xarakterizə olunur. δ-bərk məhlulların likvidus və solidus əyriləri üçün qeyri-müəyyənlik zolağının sərhədləri müəyyən edilmişdir. Qeyri-molekulyar birləşmələrin requlyar məhlul modeli əsasında bərk məhlulların qarışma termodinamik funksiyalarının tərkib və temperaturdan asılılıqları təyin edilmişdir. Göstərilmişdir ki, δ-faza  bütün qatılıq intervalında termodinamik davamlıdır

doi.org/10.32737/0005-2531-2021-2-6-12