Tiroid hormon əvəzedicisi olan levotiroksinin gündəlik tələb olunan dozasının yan təsirlərini azaltmaq məqsədi ilə xitozan əsaslı ağıllı hidrogel strukturuna immobilizasiyası həyata keçirilmişdir. Hidrogel xitozanın asetat aldehidi ilə Şiff reaksiyası və sonuncunun metil yodidlə kvaternizə və NaCl duzu ilə ion mübadilə reaksiyasından alınmışdır. Sonda xitozan əsaslı duzun -20 °C-də işlənilməsindən hidrogel alınmışdır. Hidrogelə fiziki sorbsiya üsulu ilə immobilizə olunmuş levotiroksinin miqdarı molekulyar elektron spektroskopiya üsulu ilə 227 nm-dəki xarakterik udma pikinə görə təyin edilmişdir. İQ və UV-Vis spektroskopik analiz üsullarının nəticələri ilə müəyyən olunmuşdur ki, levotiroksin ilə hidrogel arasındakı əlaqə əsasən hidrogen rabitəsi və molekullararası qarşılıqlı təsirin oriyentasiya qüvvələri hesabına baş verir
doi.org/10.32737/0005-2531-2022-1-6-12