Karbon monooksidin oksidləşməsi reaksiyası zol-gel yanma usulu ilə alınmış Cu–Mn–Fe (1:1:1;  2:1:1;  1:2:1 и  1:1:2)  oksid katalitik sistemlərinin iştirakı ilə tədqiq olunub. Rentgen faza analizinin nəticələri göstərdi ki, katalitik sistemlər mürəkkəb faza tərkibinə malikdir. Manqan və dəmirin oksidləri ilə yanaşı, mis-, manqan ferritləri,  mis manqanit, manqanla əvəzlənmiş mis ferritləri əmələ gəlir (CuFe₂O₄; Mn_0.43Fe_2.57O₄, Mn_0.98Fe_2.02O₄; CuMn₂O₄ ; Cu_1.2Mn_1.8O₄; Cu_0.5Mn_0.5Fe₂O₄). Müəyyən edilmişdir ki, reaksiyanın başlama temperaturu katalizatorda metalların nisbətindən asılı olaraq 120–170⁰C temperatur intervalında olur. Reaksiya başlandıqdan sonra ilk 3–5 dəqiqə ərzində çevrilmə kəskin şəkildə artmağa başlayır, sonrakı 5 dəqiqə ərzində 100%-ə çatır

doi.org/10.32737/0005-2531-2022-2-93-99