As2Se3-NdSe sisteminin ərintiləri geniş qatılıq intervalında sintez edilmişdir. As2Se3-NdSe sistemi diferensial-termiki (DTA), rentgenfaza (RFA), mikroquruluş (MSA) analizi, həmçinin mikrobərkliyin və sıxlığın ölçülməsi ilə tədqiq edilmişdir. Sistemdə əsas komponentlər əsasında kiçik sahədə birfazalı sahələr müəyyən edilmişdir. As2Se3-NdSe sistemində otaq temperaturunda As2Se3 birləşməsi əsasında bərk məhlulun sahəsi 1,5 mol % təşkil edir., NdSe birləşməsinə əsasında isə bərk məhl sahəsi isə 2,0 mol % təşkil edir. As2Se3-NdSe sistemində yavaş soyudulma zamanı As2Se3 birləşməsi əsasında 17 mol % NdSe şüşə sahəsinin olduğu müəyyən edilmişdir. As2Se3-NdSe sisteminin (As3Se3)1-x(NdSe)x (x = 0,03; 0,05; 0,07; 0,10) tərkibli şüşəvarı ərintilərinin foto- və elektrik keçiriciliyi tədqiq edilmişdir.
doi.org/10.32737/0005-2531-2022-3-105-109