Bu icmalda fenilendiaminlər əsasında sintez edilən keçirici polimerlərin sintezi, quruluşu, xassələri, tədqiqat metodları və tətbiq sahələri haqqında ətraflı məlumat verilir. Fenilendiaminlər əsasında sintez edilən keçirici polimerlər yüksək konyuqasiyalı polimerlərin kation duzlarıdır, elektrokimyəvi və ya kimyəvi oksidləşmə yolu ilə sintez olunurlar. Kimyəvi oksidləşdirici polimerləşmə yolu ilə müxtəlif funksional polimerlər sintez olmuşdur. Reaksiya şəraitindən asılı olaraq polifenilendiaminlər tozlar, kolloid dispersiyalar, nazik təbəqələr və ya kompozitlər şəklində sintez olunur. Polianilin kimi, bu polimerlər də duz-turşu keçidi nümayiş etdirirlər və redoks-aktivdirlər. Onlar nəcib metal birləşmələrinin müvafiq metallara reduksiyaediciləri kimi çıxış edirlər. Elektrik keçiriciliyinə və redoks aktivliyinə, eləcə də elektrik keçiriciliyinin protonlaşma dərəcəsindən asılılığına görə polifenilendiaminlər əsasında müxtəlif sensorlar yaratmaq mümkündür. Bundan əlavə, polifenilendiaminlər kompozit materialların tərkib hissələrindən biri kimi, məsələn, antikorroziya örtüklərində istifadə edilə bilər. Ümumiyyətlə, polifenilendiaminlərin bəzi əsas tətbiq sahələrini qruplaşdırmaq olar. Ədəbiyyat məlumatlarında onların bir sıra tətbiq sahələri göstərilmişdir; bunlara metalların korroziyadan qorunması, kataliz, elektroreologiya, sensorlar, enerjiyə çevrilmə cihazları, elektroxromizm, nəcib metalların bərpası və suyun təmizlənməsi daxildir. Eyni zamanda, fenilendiaminlərin polimerləri potensial toksikliyə malik olan anilin və onun oliqomerlərindən fərqli olaraq tibbdə istifadə oluna bilər
doi.org/10.32737/0005-2531-2022-3-21-44