İkinüvəli məsaməli quruluşlu {[Ni2C6H2(COO)4(H2O)4]·H2O2,5}n supramolekulyar birləşmə sintez edilmişdir. Element, rentgen, İQ-spektroskopik və differensial termiki analizlərin nəticələrinə əsasən kompleksin kimyəvi formulu və quruluşu müəyyən edilmişdir. Difraksiya əyrilərinin identifikasiya edilməsi ilə elementar qəfəs parametrləri təyin edilmiş və bu seriyadan olan tədqiq edilmiş bütün kompleks birləşmələr üçün bünövrə təşkil edən kompleks polimerin ikiölçülü polimer təbəqəsinin sxematik quruluşu verilmişdir. Kompleksdə təbəqələr bir-biri ilə birləşir və hidrogen rabitəsinin istiqamətindən asılı olaraq bir-birinə nisbətən yer dəyişdirir və bu da elementar qəfəsin parametrlərinin dəyişməsinə gətirib çıxarır. Beləliklə, iki ölçülü polimer 2D təbəqələri 3D supramolekulyar quruluşa çevrilir
doi.org/10.32737/0005-2531-2023-2-163-168
.png)