Bu işdə karbamid, melamin və disiandiamiddən sintez edilmiş  və ultrasəs aşındırmasına məruz qalmış qrafit karbon nitrid nümunələrinin sulu məhluldan dəmir-Fe(III) ionlarının adsorbsiyası prosesində effektivliyi tədqiq edilmişdir.  Müəyyən edilmişdir ki, sorbsiya səmərəliliyinə mühitin pH-sı, sorbentin miqdarı, təmas vaxtı və Fe(III) ionlarının ilkin qatılığı əhəmiyyətli dərəcədə təsir göstərir.  Fe(III) ionlarının  hər üç sprbent üzərində ən yüksək  adsorbsiyası  (97-99%)  məhlulun pH4 qiymətində baş verir. Göstərilmişdir ki, Fe(III) ionunun karbon nitrid səthində sorbsiya prosrsi korrelyasiya əmsallarına əsaslanan həm Lenqmuir həm də Freundlix adsorbsiya izotermləri ilə modelləşdirilə bilər.

doi.org/10.32737/0005-2531-2024-4-41-50