Təqdim olunan iş metil spirtinin qaz fazada seolit əsaslı Pd-mordenit katalizatoru üzərində oksidləşərək qarışqa turşusuna çevrilmə reaksiyasının riyazi modelinin işlənib hazırlanmasına və modelin parametrik əmsallarının identifikasiyası məsələlərinə həsr olunub. Proses üçün maddi balans tənliyi işlənib hazırlanmışdır. Tədqiq olunan proses üçün istilik balansı tənliyinin qurulmuş, çevrilmə rеаksiyalarının istilik effektləri və reaksiya məhsullarının istilik tutumlarının hesablanması üçün alqoritm tərtib olunmuş, hesablamalar yerinə yetirilmişdir. Prosesin axın tənliyi verilmiş, xarakteristik Reynolds ədədi hesablanmışdır.