Arilsulfamidlərlə tiollar və aminobirləşmələrin formaldehid və benzaldehid istirakı ilə üçkomponentli reaksiyası öyrənilmişdir. Müəyyən edilmişdir ki, ditiokarbamat və merkaptobenztiazolların benzaldehidlə  reaksiyası nəticəsində alınan sulfamidin çıxımı aşağı olur, bu yəqin ki, sterik faktorla izah olunur. Sintez olunmuş maddələrin tərkibində bir tərəfdən  elektronoakseptor sulfamid, digər tərəfdən amin və sulfid qrupu  olduğu üçün bunlar dipolyar birləşmə kimi çox asanlıqla dipolyarofillərə birləşərək pirrol və pirimidinlər əmələ gətirirlər. Sintez olunmuş bəzi sulfamidlər sürtkülərə aşqar kimi yoxlanıldıqda onların korroziyaya və yeyilməyə qarşı yüksək effekt göstərdiyi müəyyən edilmişdir. Heterotsiklik törəmələri isə yüksək effektli bakterisid olduğu aşkar edilmişdir. Streptosidin törəmələri daha effektlidir və onun 4-aminosulfonil)-2-N-izobutil-5-metilpirrolidon-3 törəməsi 0.05 % qatılıqda stafilokokk mikrobunu məhv edir, qarın yatalağı ştammlarının inkişafını dayandırır.