Məqalədə hamar güyənə Polygonatum glaberrimum bitkisindən alınan və şərti B qlikozidi adlandırılan spi­rostan sıralı fərdi steroid qlikozidin kimyəvi quruluşunun öyrənilməsinə dair eksperiment təd­qi­qat­la­rın nə­ticələri şərh olunur. Klassik kimyəvi tədqiqat, həmçinin İQ spektroskopiya və sorbentin nazik tə­bəqəsi üzə­rində xromatoqrafiya üsulları əsasında müəyyən edildi ki, B qlikozidi pennogeninin penta­ozidi olub, kar­bo­hidrat zəncirinin tərkibinə 3 molekul D-qlükoza, 1 molekul L-arabinoza və 1 molekul L-ramnoza da­xil­dir. Aparılan eksperiment tədqiqatların nəticələri, həmçinin onların obyektiv analitik təh­lili B qli­ko­zi­dinin tam kimyəvi quruluşunu müəyyən etməyə əsas verir: pennogenin 3-O-β-D-qlüko­pi­ranozil-(1→2)-[O-β-D-qlü­kopiranozil-(1→4)]-O-α-L-ramnopiranozil-(1→4)-[O-α-L-arabinopi­rano­zil-(1→2)]-O-β-D-qlü­ko­pira­no­zid. B qlikozidinin tam açıq kimyəvi quruluşu təqdim edilmişdir.