Fenil radikalı saxlayan hidrosilanların platinohidrogenxlorid turşusu iş­tirakında 1-dime­til­amino-4-qlisidiloksibutin-2-yə katalitik birləşdirilməsi reaksiyaları təd­qiq olunur. Müəyyən edilmişdir ki, silisium atomunda fenil radikalının yerləşmə mövqe­yindən asılı olmayaraq istifadə olunan bütün hidrosilanlar oksiran halqasına toxunmadan üçqat karbon–karbon əlaqəsinə birləşib etilen sırası azot atomu saxlayan silisium-üzvi epoksibirləşmələr əmələ gətirirlər.