Etilen-propilenin istehsalı prosesində yan məhsul kimi alınan tsiklopentadienin çevrilmələri əsasında politsiklik spiran quruluşa malik 2-metilspiro[2,6]nonan karbohidrogeni sintez olunmuşdur. T-6 yanacağı və yeni sintez olunmuş  karbohidrogen əsasında yeni kompozisiya hazırlanmış, müasir fiziki-kimyəvi üsullarla xassələri öyrənilmişdir. Əldə olunan nəticələrə əsasən belə kompozisiyaların aviasiya sahəsində müasir tələbatı ödəyən yüksək sıxlıqlı, yüksək enerjili sintetik karbohidrogen yanacaqları kimi tədqiqi və tətbiqi məqsədyönlü hesab olunur.