Paraform və ya benzaldehid iştirakı ilə arilsulfamidlərin alkilaminlə metilləşməsi reaksiyası öyrənilmişdir. Katalizator kimi NaOH-dan istifadə olunmuşdır. Katalizatorun miqdarı artdıqca metilensulfamidin çıxımı da artır. Benzaldehidlə maddə çıxımı paraform iştirakı ilə aparılmış aminometilensulfamidlərin çıxımından az olur. Sulfamidlərin aromatik fraqmentində 4 vəziyyətdə amin qrupu maddə çıxımına pis təsir edir. Metilen­sulfamidlərin tərkibində aktiv metilen qrupun olması onlarin dipolyarofillərlə (asetilaseton, aseto­sirkə efiri ilə) funksionaləvəzolunmuş pirrollar əmələ gətirirlər. Heterotsiklləşmədə streptosid iştirak ilə maddə çıxımı metilenbenzol- və ya -toluolsulfamidlərdəkindən az olur. Sintez olunmuş birləşmələrin bak­te­risid xassəsı öyrənildikdə müəyyən edilmişdir ki, aromatik fraqmentdə 4-vəziyyətində (streptosid) aminoqrupp olduqda başqa törəmələrə nisbətən çox effektli olur. Streptosiddən alınmış törəmələr içərisində 1-(4-amino­fenil­sul­fonil)-2-izobutilamino-3,5-dimetilpirrol stafilokokka və qarın yatalağına qarşı çox effektlidir.