'Spektrofotometrik üsulla germaniumun(IV) 2,2',3,4-tetrahidroksi-3'-sulfo-5'-xlorazobenzolla (R) kation sət­hi aktiv maddələr (SAM) – setilpiridinbromid (SPBr), setilpiridinxlorid (SPCl), setiltrimetil­am­mo­ni­um­bromid (STMABr) və dekometoksin (Dek) iştirakında qarşılıqlı təsiri tədqiq edilib. Müəyyən edilib ki, SAM reagent ilə davamlı ion assosiatları əmələ gətirir. Germanium SAM iştirakında Gе(IV):R:SAM=1:2:2 tərkibli rəngli müxtəlifliqandlı komplekslər əmələ gətirir. Müxtəlifliqandlı komplekslərin əmələgəlməsinə pH, zaman, temperatur və qarşılıqlı təsirdə olan komponentlərin qatılığının təsiri öyrənilmişdir. Ger­ma­niumun təbii obyektlərdə yüksək keyfiyyətli fotometrik təyinatmetodikaları işlənib hazırlanmışdır.