Etilenin oliqomerləşməsindən alınan okten-1, dodesen-1, tetradesen-1, C_16–18 α-olefinlər və pro­pi­lenin trimeri və tetrameri əsasında nitrotörəmələr alınmışdır. Alınmış nitrobirləşmələrin mono-, di-, tri­eta­nol­amin duzları sintez olunmuş, spirt və su qarışığında 20%-li məhlulları hazırlanmışdır. Bu məhlulların H₂S həll olmuş mühitlərdə poladın korroziyasına təsiri tədqiq edilmişdir. Müdafiə effektinin radikalın uzunluğundan, radikalın quruluşundan və kationun növündən asılı olduğu aşkar edilmişdir.