Bakı neftlərindən ayrılmış neft turşuları fraksiyaları əsasında sirkonil naftenatların yeni sintez üsulu işlənib hazırlanmışdır. Müəyyən edilmişdir ki, sirkonil naftenatların sintezinin spirt-su mühitində aparılması onları qarışıqlardan təmizlənmiş halda almağa imkan verir. Sintez olunmuş sirkonil naftenatların quruluş və tərkibləri İQ- və NMR-spektroskopiya, RFA, element analizi üsulları vasitəsilə öyrənilmişdir. Sintez olunmuş sirkonil naftenatlar əsasında homogen metal kompleks katalizatorun etilenin oliqomerləşmə və polimerləşmə prosesində yüksək katalitik aktivliyə malik olduğu müəyyən edilmişdir.