Təqdim olunan iş elektrokimyəvi üsulla çökdürülmüş Mo–S yarımkeçirici nazik təbəqələrinin tərkibinə müxtəlif amillərin – temperaturun, elektrolitdə komponentlərin qatılığının, cərəyan sıxlığının təsirinin öyrənilməsinə həsr edil­mişdir. Nəticələr göstərir ki, Na₂МоO₄-ün qatılığının, temperaturun və cərəyan sıxlığının artması ilə katod çö­kün­tü­lərində molibdenin miqdarı artır. Na₂SO₃-ün qatılığının artması ilə isə alınan təbəqələrdə molibdenin miqdarı uyğun olaraq azalır. Müəyyən edilmişdir ki, qara, səth üzərində bərabər paylanmış, kristallik, parıltılı МоS₂ kimyəvi bir­ləş­məsinin örtükləri 333–338 К temperatur intervalında, 7 mА/sm² cərəyan sıxlığında, 1.0 М Na₂МоO₄·2H₂O və 0.1 М Na₂SO₃ tərkibli elektrolitdən alınır.