Tədqiqat obyekti olaraq alternativ enerji mənbəyi olan Balaxanı neft-bitum süxurlarından alınmış sintetik neftdən istifadə olunmuşdur. Sintetik neftin radiasiya-kimyəvi çevrilmələrinin qanunauyğunluqları öyrənilmişdir. Labo­ra­to­riya tədqiqatları udulan dozanın d=43–216 kQr intervalında və doza gücünün P=0.5 Qr/s (qamma şüalanma) qiy­mə­tində aparılmışdır. Müxtəlif udulma dozalarında alınmış qazların qatılığı, radiasiya-kimyəvi çıxımı və İQ spektrləri tə­yin edilmişdir. Neft-bitum süxurlarında qətran və asfaltenlərin qatılığının çox olması onun radiasiya da­vamlılığını ar­tırır. Neft-bitum materialları radioaktiv tullantıların basdırılmasında, yol tikintisində və inşaatda hid­roizolyasiya materialı kimi geniş istifadə oluna bilər