Genişləndirilmiş laboratoriya qurğusunda doymuş ketonların istehsalı üçün yeni texnologiya yoxlanılmışdır. Pro­ses bitki və heyvan yağlarının hidrogenləşməsində istifadə olunan nikelkizelqur katalizatorunun iştirakı ilə izopropil və ikili butil spirtinin qaz fazada dehidrogenləşməsindən ibarətdir. Sənayedə istifadə olunan sxemlə müqayisədə təcrübələr əsasında hazırlanmış yeni prinsipial texnoloji sxem aseton və metiletilketonun yüksək çıxımına, aşağı enerji və reagent sərfinə, texnologiyanı sadələşdirməyə (birmərhələli, nisbətən aşağı temperaturlu şərait, yan məhsulların alınmaması) imkan verir.