İşdə tərkibində mexaniki-kimyəvi üsulla alınmış və yüksək təzyiq polietilenində stabilləşdirilmiş mis oksidi nanohissəcikləri (NH) saxlayan nanodoldurucu (ND) əlavəsinin izotaktik polipropilen (PP) və etilenpropilendien kauçuku (EPDK) əsaslı qarışıq termoplastik elastomerlərin (TPE) fiziki-mexaniki, reoloji xassələrinə və kristallaşmasına təsiri üzrə aparılan tədqiqatlardan alınmış dəlillər ümumiləşdirilmişdir. Göstərilmişdir ki, TPE-yə mis oksidi nanohissəcikləri saxlayan nanodoldurucunun daxil edilməsi daha perspektlidir, beləki həmin əlavə kompozisiyada təbəqəli xırdasferolit struktur əmələ gətirməklə onun ərinti axıcılığı göstəricisini, reoloji və fiziki-mexaniki xassələrini yaxşılaşdırır ki, bu da alınmış kompozisiyaların tətbiq sahələrini daha da genişləndirməyə imkan verir