Tsikloheksankarbon turşusu xloranhidridinin və onun mono- və dixlorəvəzli törəmələrinin AlCl3 katalizatoru iştirakı ilə dixloretan mühitində –10 ¸ –150С temperaturda etilenə elektrofil birləşmə reaksiyalarından 1-tsikloalkil-2-propen-1-onlar sintez olunmuşdur. Alınmış vinilketonlar CCl4 mühitində –50C temperaturda xlorlaşdırılaraq uyğun 1-tsikloalkil-2,3-dixlor-1-propanonlara çevrilmişdir. Dixlorketonların etanol və ya toluol mühitində hidrazin və fenilhidrazinlə reaksiyasından 1-Rˈ-3-R-pirazollar əmələ gəlmişdir. Sintez olunmuş pirazolların quruluşu İQ və NMR´H spektrlərinin məlumatlarına və fiziki-kimyəvi sabitlərin təyin olunmasına görə təsdiq olunmuşdur. Beləliklə, ilk dəfə olaraq 3- və 1,3- əvəzli pirazolların tsikloalkil törəmələrinin yeni preparativ alınma usulu işlənib hazırlanmışdır
doi.org/10.32737/0005-2531-2022-4-89-94