Hazırki iş Co-Se nazik təbəqələrinin elektrokimyəvi çökdürülməsinə və əmələ gələn təbəqələrin tərkibinə müxtəlif amillərin təsirinin öyrənilməsinə həsr edilmişdir. Məlum olmuşdur ki, həm ayrı-ayrı komponentlərin çökməsi zamanı, həm də onların birgə iştirakı zamanı (Se, Co və CoSe) elektroreduksiya potensialları müvafiq olaraq 0.35 V, -0.2 V, 0.23 V-a bərabərdir. CoSe-nin anod həll olması 0.75 V potensialında müşahidə olunur. Selen və kobaltın elektrokimyəvi reduksiyası 2 mərhələdə baş verir. CoSe elektrokimyəvi çökməsinin kinetikasına həm temperatur, həm də elektrod materialı əhəmiyyətli təsir göstərir. 60⁰C-dən yuxarı temperaturda alınan təbəqələrin  keyfiyyəti pisləşir. 25-60⁰C temperatur intervalında yüksək adgeziya qabiliyyətinə malik keyfiyyətli kristal təbəqələr alınır. Katod materialı kimi Pt, Ni götürülmüşdür, anod - Pt. Eleketrokimyəvi yolla alınmış CoSe  nazik təbəqələri Se-nin miqdarı aşağı olduqda n tipli keçiriciliyə, Se-nin miqdarı yüksık olduqda isə  p tipli keçiriciliyə malikdir. Bundan əlavə, elektrolitin optimal tərkibi və stexiometrik tərkibə yaxın nazik CoSe təbəqələrinin alınması üçün elektroliz rejimi müəyyən edilmişdir: 0.01M H₂SeO₃, 0.1М CoCl₂, 100ml H₂O, i=0.2–0.4 mA/sm²,  Т=25–60⁰С, Katod - Pt, Ni. Anod- Pt

doi.org/10.32737/0005-2531-2023-4-120-127