2-Pikolinin qaz fazada ʺyaşil oksidləşdiricilərʺ – Н₂О₂ VƏ N₂O ilə oksidləşməsinin koherent sinxronlaşdırılmış reaksiyalarının tədqiqatlarının nəticələri verilir. Bu reaksiyalarda məqsədli məhsulların alınması üçün optimal şərait aşkar edilmişdir. Reaksiyalarda determinantın qiymətinə proses parametrlərinin təsiri: 2-pikolinin hidrogen peroksidlə dealkodimerləşməsi və 2-pikolinin azot-1 oksid ilə dimerləşməsi göstərilir. 2-Pikolinin hidrogen peroksidlə dealkodimerləşməsi reaksiyasında hesablanan kimyəvi qoşulmanın determinantı optimal şəraitdə D=0.17 qiymətə malikdir ki, bu da 2-P-nin dealkodimerləşməsinin induksiya xarakterini göstərir. Bu dəyər əsasında ilkin reaksiyanın (hidrogen peroksidin parçalanması) ikinciyə (2-pikolinin deal­kodi­merləşməsi) təsirinin kəmiyyətcə qiymətləndirilməsi verilir. 2-Pikolinin azot-1 oksid ilə dimerləşməsi reaksiyasında kimyəvi qoşulmanın   determinantı optimal şəraitdə D=0.54 dəyəri təşkil  edir və bu, kimyəvi interfe­rensiya şkalasının kimyəvi qoşulma sahəsində yerləşir, bu zaman ilkin reaksiya (azot oksidinin parçalanması) öz gedişi ilə ikinci (2- P-nin dimerləşməsi) reaksiyanı sürətləndirir

doi.org/10.32737/0005-2531-2023-4-13-20