Aparılmış  geniş  analitik  tədqiqatlar  nəticəsində məlum üsullarla ferrosenin və  onun  alkil  törəmələrinin sintezi prosesində, məqsədli məhsulların alınması faizini  azaldan, əsas  və köməkçi reagentlər  arasında, həm də işçi mühit kimi istifadə edilən maye ammonyak arasında baş verə bilən əlavə və  paralel kimyəvi  reaksiyalar  müəyyən  edilmişdir. Sintez zamanı əlavə və paralel kimyəvi reaksiyaların qarşısının alınması üsulları; natrium amid katalizatorunun  aktivləşdirilməsi üçün  maye  ammonyak əvəzinə  tetrahidrofuran,  susuz  dəmir xlorid  əvəzinə  onun  amin suspenziyası  təklif edilmişdir