V_0.9Sb_0.1O_x sistemləri izobutanın oksidləşdirici dehidrogenləşmə (ODH) prosesində müxtəlif daşıyıcıların üzərinə çəkilməklə  (5 növ – γ-Al₂O₃, α-Al₂O₃, kvars, silikagel, magnezium oksid) öyrənilmişdir. V–Sb oksidlərinin katalitik təsirinin daşıyıcılardan və onların təbiətindən asılılığının γ-Al₂O₃ > α-Al₂O₃ > Si–Al–O > SiO₂ ≈ MgO>>daşıyıcısız ardıcıllığı ilə dəyişdiyi göstərilmişdir. Göstərilmişdir ki, V–Sb–O ilə yüklənmənin dəyişməsinin, öyrənilən diapazon çərçivəsində (0.5–2 nəzəri monotəbəqə) katalizatorun seçiciliyinə və aktivliyinə təsiri cüzidir. Müəyyən edilmişdir ki, V_0.9Sb_0.1O_x/γ-Al₂O₃ sisteminin daha yaxşı katalitik təsiri, daşıyıcı və hopdurulmuş komponentlərin səthləri arasında  optimal qarşılıqlı təsirin olması ilə  izah olunur