İon mübadilə üsulu ilə sintez olunmuş klinoptilolit (KL) {Cu²⁺ (0.5 küt.%),  Zn²⁺ (0.2 küt.%), Со²⁺ (0.1 küt.%), Cr³⁺ (0.1 küt.%)} və KL {Co²⁺ (0.5 küt.%), Cr³⁺ (0.25 küt.%)} katalizatorlarının uyğun olaraq tsikloheksanın 1,3-tsikloheksadienə və metiltsikloheksanın 1-metil-1,3-tsikloheksadienə oksid­ləşdirici dehidrogenləşmə reaksiyalarında tətbiqinin müm­künlüyü müəyyən olunmuşdur. Təcrübi məlumatların təhlili və dissosiativ adsorbsiya olunmuş oksigen ilə mübadilə kationların rabitə enerjilərini nəzərə almaqla katalizatorun komponentlərindən ibarət aktiv mərkəzlər qruplaşdırılmış və reaksiya yolları aydınlaşdırılmışdır. Bu aktiv mərkəzlərin nəzərə alınması ilə işlənib hazırlanmış kinetik model təqdim olunmuşdur.