Modifikasiya olunmuş seolitlərin tsikloheksanın selektiv oksidləşdirici dehidrogenləşməsi reak­siyasında katalitik aktivlikləri öyrənilmişdir. Müəyyən olunmuşdur ki, CuZnCoCr-klinoptilolit (Cu²⁺– 0.5%; Zn²⁺ – 0.2%; Co²⁺ – 0.1%; Cr³⁺ – 0.1%) polimetalseolit katalizatoru bu reaksiya üçün yüksək katalitik aktivlik göstərir. Reaksiyanın getməsinin kinetik sxemi təklif olunmuşdur və reaksiyasının mexanizminin mərhələli sxemi əsasında prosesin kinetik modeli işlənib hazır­lanmışdır. Kinetik parametrlərin ədədi qiymətləri hesablanmışdır.