Fiziki-kimyəvi analiz metodları (DTA, MCA, RFA, eləcə də mikrobərkliyin və sıxlığın təyini) vasitəsi ilə, AsSe–AsMn₂ sistemində faza tarazlığı və şüşəəmələgəlmə tədqiq edilmiş və onun hal diaqramı qurulmuşdur. Müəyyən edilmişdir ki, AsSe–AsMn₂ sistemi kvazibinar kəsiyi olub, evtektik tiplidir. Sistemdə otaq temperaturunda AsSe birləşməsi əsasında 1.5 mol % AsMn₂ həll olur, AsMn₂ birləşməsi əsasında isə bərk məhlul sahəsi 2 mol % AsSe təşkil edir. Sistemdə AsSe birləşməsi əsasında adi soyudulma şəraitində 13 mol % şüşə sahəsi alınmışdır. Maye azotda soyudulma zamanı AsSe əsasında 30 mol % şüşə sahəsi əmələ gəlir.