Təqdim olunan iş iki mərhələdə aparılmışdır. Ilkin  mərhələdə katalizator nano-TiO₂ (20–22 nm)  iştirakı ilə tritsiklo[5.2.1.0^2.6]deka-3,8-dienlə allilasetatın qarşılıqlı təsiri reaksiyası öyrənilmiş və nəticədə 77.4% cıxımla 8-asetoksimetiltetratsiklo[4.4^2.5.1^7.10.0^1.6]dodets-3-en sintez edilmişdir. Sonrakı mərhələdə sintez edilmiş doymamış tritsiklik monoefirə katalizator  BF₃∙ОEt₂ iştirakı ilə C₂-C₅ bir əsaslı doymuş turşuları birləşdirərək 75.5–90.6%  cıxımla 8-hidroksimetiltetratsiklododekan-3-olun diefirləri sintez olunmuşdur. Müəyyən olunmuşdur ki, sintez olunmuş diefirlərdən 8-asetoksimetiltetratsiklo[4.4^2.5.1^7.10.0^1.6]dodets-3-ilasetat xoş sitrus ətirlidir və o, müxtəlif parfümeriya kompozisiyalarının hazırlanmasında ətirləndirici kimi istifadə oluna bilər.