DTA və RFA üsulları ilə, həmçinin Ag₄RbJ₅ bərk elektrolitli qatılıq dövrələrinin EHQ-nin ölçülməsi ilə Ag₈GeS₆–Ag₈GeSe₆ kvazibinar sistemi tədqiq edilmiş, onun hal diaqramı və müvafiq "tərkib–xassə" diaqramları qurulmuşdur. Müəyyən edilmişdir ki, sistemdə komponentlərin yüksək temperaturlu kubik modifikasiyaları arasında fasiləsiz bərk məhlullar mövcuddur. Bərk məhlulların əmələ gəlməsi hər iki ilkin birləşmənin polimorf çevrilmə temperaturunu kəskin azaldır.