Üzvi gil və polivinilpirrolidon əsasında nanokompozit material alınmışdır. Nanokompozit materialın xarakterik xassələri fiziki metodlarla tədqiq olunmuşdur. Ağır metal ionlarının (Pb²⁺, Mn²⁺) model məhlullardan nanokompozit materialda sorbsiyanın tətbiqi göstərilmişdir. Müəyyənləşdirilmişdir ki, həmin material optimal şəraitdə (pH»5, t=60⁰C) həmin ionlara qarşı seçici sorbsiya (0.0029  və  0.003 mol/q)  tutumuna malikdir.  Uran izotoplarının ( ²³⁴ U, ²³⁵ U, ²³⁸ U) (рН=5–7) gil suspenziyalarından təbii klinoptilolitdə sorbentlə sorbatın miqdarının dəyişməsinin sorbsiya prosesinə təsiri müəyyənləşdirilmişdir. Optimal şəraitdə klinoptilolitin uran izotoplarına qarşı statik sorbsiya tutumları təyin olunmuşdur (SST=34.5 mq/q ).