Motor yanacaqları üçün yüksək oktan ədədli komponent kimi istifadə olunan etil-üçlü-butil efirinin (ETBE) sintezi üçün optimal şərait müəyyənləşdirilib. Proses yeni heterogen katalizator iştirakında etanolun i-butilenlə alkilləşməsi əsasında reallaşdırılıb. Təcrübənin çoxölçülü analiz metodu əsasında müəyyən olunur ki, məqsədli məhsulun maksimum çıxımını təmin edən temperatur 20–50⁰C və etanol:i-butilen = 3:1 mol nisbəti proses üçün optimal şərait kimi qəbul oluna bilər.