Fiziki-kimyəvi  analizin kompleks metodları ilə La₂S₃–Ga₂S₃–Nd₂S₃  sistemdə şüşəmələgəlmə sahəsinin sərhədləri təyin edilmişdir. Alınan şüşələrin termiki parçalanması öyrənilmiş və İQ spektrləri çəkilmişdir. Müəyyən edilmişdir ki, bu şüşələr 880 K-də havada davamlıdır. Şüşələrin  İQ spektrlərində Me­–S rabitəsini xarakterizə edən zolaqlar ilkin kristal komponentlərin spektrlərindəki zolaqlara nisbətən daha yüksək intensivliyə malikdir və yüksəktezlikli sahəyə tərəf çəkilmişdir, bu da ehtimal ki, Me­–S kovalent rabitəsinin güclənməsindən irəli gəlir.