Fiziki-kimyəvi analiz metodları (DTA, RFA, MQA, eləcə də sıxlığın və mikrobərkliyin ölçülməsi) ilə  InSb₂S₃Se–InSb₂Se₃S sistemində kimyəvi qarşılıqlı təsirin xarakteri tədqiq edilmiş və sistemin hal diaqramı qurulmuşdur. Müəyyən edilmişdir ki, InSb₂S₃Se–InSb₂Se₃S sistemi In,Sb||S,Se üçlü qarşılıqlı sisteminin kvazibinar kəsiyidir. Sis­tem­də ilkin komponentlər əsasında məhdud sahədə  bərk məhlul əmələ gəlir. Aşkar edilmişdir ki, InSb₂S₃Se–InSb₂Se₃S sistemində otaq temperaturunda   InSb₂S₃Se əsasında 20 mol % InSb₂Se₃S həll olduğu halda, InSb₂Se₃S əsasında bərk məhlul sahəsi 12 mol % InSb₂S₃Se təşkil edir.